រាជធានីភ្នំពេញ៖ ការប្រកួតកីឡាតុងហ្គីលម៉ូដូជ្រើសរើសជើងឯកប្រចាំឆ្នាំ ២០២២ បានបញ្ចប់ដោយជោគជ័យហើយក្រោយដំណើរការប្រកួត អស់រយៈពេល៥ថ្ងៃ នៅ FFWPU-Cambodia ដោយមានការរៀបចំពីសហព័ន្ធកីឡតុងហ្គីលម៉ូដូកម្ពុជា ក្រោមប្រើប្រាស់ថវិកាឧបត្ថម្ភប្រចាំឆ្នាំរបស់ក្រសួងអប់រំ យុវជន និងកីឡា។ ខណៈថ្នាក់ដឹកនាំសហព័ន្ធ បានកោតសរសើរ និងវាយតម្លៃខ្ពស់ ចំពោះបច្ចេកទេស និងវិន័យរបស់កីឡាករ-កីឡាការិនីវ័យក្មេងចូលរួមទាំងអស់ ។
ប្រធានសហព័ន្ធកីឡាតុងហ្គីលម៉ូដូកម្ពុជាលោកបណ្ឌិត ជ័យ ចាបបានថ្លែង កោតសរ សើរចំពោះគណៈកម្មការ លោកគ្រូ កីឡាករ-កីឡាការិនីដែលបានខិតខំយកអស់កម្លាំងកាយ កម្លាំងចិត្ត ស្មារតី សម្ភារ ថវិកា ដើម្បីដឹកនាំ គ្រប់គ្រង អភិវឌ្ឍប្រភេទកីឡាជំនាញនេះឲ្យមានការរីកចម្រើនជាបន្តបន្ទាប់។ ជាពិសេសលោកក៏សូមអរគុណលោកគ្រូ-អ្នកគ្រូទាំងអស់ ដែលខិតខំបង្ហាត់បង្រៀន ក៏ដូចជាអាណាព្យាបាលផងដែរ ដែលផ្ដល់ឱកាស និងជំរុញកូនៗលេងកីឡា ដើម្បីទទួលបាននូវសុខភាពល្អ និងចៀសឆ្ងាយពីអំពើអបាយមុខផ្សេងៗ ក្រោយទំនេរពីការសិក្សាផងដែរ» ។
លោកបានបន្តថា កម្ពុជាមានសុខសន្តិភាពពេញលេញ ស្ថេរភាពនយោបាយ សេដ្ឋកិច្ចជាតិមានការរីកចម្រើន ដែលធ្វើឲ្យមានការអភិវឌ្ឍលើគ្រប់វិស័យ ដោយសារក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ហើយសម្តេចបានចាត់ទុកការងារអប់រំកាយ និងកីឡា កំពុងដើរតួនាទីយ៉ាងសំខាន់ និងជាយានក្នុងការអភិវឌ្ឍសង្គម ពីព្រោះ «កីឡាកសាងមនុស្ស មនុស្សកសាងសង្គម»។
គួបញ្ជាក់ផងដែរថា៖ ការប្រកួតនេះបានប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៩ ខែកុម្ភៈ ឆ្នាំ២០២៣ នៅ FFWPU-Cambodia ដោយមានកីឡាករ-កីឡាការិនីចូលរូមចំនួន ១៣៥ នាក់ និងគណៈប្រតិភូ ព្រមទំាងគ្រូបង្វឹកចំនួន ២៨នាក់មកពី ១៧ ក្លិប ៤ រាជធានីខេត្តនៅទូទាំងប្រទេសកម្ពុជា៕
