រាជធានីភ្នំពេញ៖ ពាក់ពន្ធ័ការចុះផ្សាយរបស់អង្គភាពសារព័ត៌មាននានា ទៅលើផ្ទះលួចបើកល្បែងស៊ីសងមួយកន្លែង តាមបណ្តោយផ្លូវ៥១ សង្កាត់ផ្សារថ្មី៣ ខណ្ឌដូនពេញ ដែលទីតាំងខាងលើនេះ ត្រូវបានគណបញ្ជាការឯកភាពខណ្ឌដូនពេញបានចុះបង្ក្រាបរួចមកហើយនោះ ហើយក៏មិនទាន់មានគោលការណ៍ណាមួយអនុញ្ញាត្តិអោយទីតាំងខាងលើអាចបើកលេងទៀតដែរ ។ .jpg)
ហេតុដូចនេះ គណៈបញ្ជាការឯកភាពខណ្ឌដូនពេញ ក៏ដូចជាអធិការខណ្ឌដូនពេញសូម សំណូមពរ ដល់បងប្អូនសារព័ត៌មានយើងមួយចំនួនតូចមេត្តាចុះពិនិត្យទីតាំងអោយបានជាក់ស្តែង ចាំធ្វើការផ្សាយ កុំចេះតែយកអត្ថបទ រឺរូបភាពបន្តពីគ្នាធ្វើការផ្សាយយ៉ាងអណាធិបតេយ្យបែបនេះទៀត ។
គួររំលឹកផងដែរថានៅថ្ងៃទី១៥ ខែមករា ឆ្នាំ២០២៣ វេលាម៉ោង ១៩,៣០នាទីយប់ ដោយមានការបញ្ជាផ្ទាល់ពីលោក ជា ខេមា អភិបាល នៃគណៈអភិបាលខណ្ឌដូនពេញ លោក ចាប ឌីណា អភិបាលរង នៃគណៈអភិបាលខណ្ឌដូនពេញ បានដឹកនាំគណៈបញ្ជាការឯកភាពខណ្ឌ ចុះបង្ក្រាបការលបលួចលេងល្បែងស៊ីសងខុសច្បាប់នៅទីតាំង ផ្ទះលេខ ៦១អឺសូន្យ ផ្លូវ ១៤៤ កែងផ្លូវ ៥១ សង្កាត់ផ្សារថ្មី៣ ខណ្ឌដូនពេញ។ តាមការពិនិត្យជាក់ស្តែង ឃើញមាន កុំព្យូទ័រលើតុចំនួន ០៧គ្រឿង និង
ទូរទស្សន៍ធំចំនួន ០១គ្រឿង និងអ្នកមើលការខុសត្រូវម្នាក់នៅទីនោះ។ តាមការផ្តល់ព័ត៌មានពីប្រជាពលរដ្ឋឲ្យដឹងថា ទីតាំងខាងលើមានមនុស្សចេញចូល ទ្វាបិទជិតព្រមទាំងចាក់សោរ បើកសោរចុះឡើងគួរឲ្យសង្ស័យទើបរាយការណ៍ទៅរដ្ឋបាលខណ្ឌដូនពេញ។ ក្រុមការងារបានចុះទៅពិនិត្យដល់ទីតាំងខាងលើជាក់ស្តែងឃើញមានអ្នកគ្រប់គ្រងម្នាក់ និងកុំព្យូទ័រលើតុកំពុងដំណើរការ។ ក្រុមការងារបានសម្រេច ធ្វើកំណត់ហេតុ ដកហូត សំភារៈខាងលើយកទៅរក្សាទុកនៅរដ្ឋបាលខណ្ឌដូនពេញដើម្បីអនុវត្តតាមនិតិវិធីច្បាប់ ។ដោយឡែកអ្នកគ្រប់គ្រងក្រុមការងារបានណែនាំឲ្យត្រឡប់ទៅវិញ ហាមមកបំរើការនៅកន្លែងទីតាំងខាងលើនេះទៀត ៕
.jpg)
