ខេត្តត្បូងឃ្មុំ៖ រថយន្តសេរីទំនើបម៉ាក Lexus LX570 មួយគ្រឿងដែលគេស្គាល់ថា ជារបស់លោក ថង សាវុន អភិបាលខេត្តមណ្ឌលគីរី បានបើកបុកនឹងម៉ូតូសណ្តោងរ៉ឺម៉កមួយគ្រឿងយ៉ាងពេញទំហឹង បណ្តាលអោយអ្នកជិះរ៉ឺម៉ក២នាក់ស្លាប់ភ្លាម នៅហ្នឹងកន្លែងកើតហើតុ កាលពីវេលាម៉ោង ១២.១៥នាទីថ្ងៃត្រង់ ថ្ងៃទី ២៩ ខែកញ្ញា ឆ្នាំ២០២២ នៅចន្លោះបង្គោលគ.ម លេខ ១៤៥/១៤៦ ស្ថិតនៅភូមិពោធិស្រុក ឃុំកោងកាង ស្រុកពញក្រែក ខេត្តត្បូងឃ្មុំ ។ បន្ទាប់ពីកើតហេតុភ្លាមៗអ្នកបើករថយន្តបានដាក់មេប្រូចបាត់ស្រមោលឈឹង ចំណែកឯស្លាកលេខក៏មានអ្នកដោះយកទៅបាត់ផងដែរ ។
រថយន្តដែលបើកបុកម៉ូតូសណ្តោងរ៉ឺម៉កបណ្តាលអោយមានមនុស្សស្លាង២នាក់នោះ ម៉ាក LEXUS LX570 ពណ៌ខ្មៅ ពាក់ស្លាកលេខភ្នំពេញ 2AQ-2225 ជារបស់លោក ថង សាវុន អភិបាលខេត្តមណ្ឌលគិរីចំណែកម៉ូតូសណ្តោងរ៉ឺម៉កម៉ាកវ៉េវ (គ្មានអាវ)ពណ៌ខ្មៅគ្មានស្លាកលេខបើកបរដោយ ឈ្មោះ អែម សំអូន (ហៅគោ) ភេទប្រុស អាយុ២៧ឆ្នាំ ជនជាតិខ្មែរ រស់នៅភូមិស្ទឹងតូច ឃុំកក់ ស្រុកពញាក្រែក ខេត្តត្បូងឃ្មុំ (ស្លាប់នៅនឹងកន្លែងកើតហេតុ) និងម្នាក់ទៀតជិះពីក្រោយឈ្មោះ ផន ភីន ភេទប្រុស អាយុ១៦ឆ្នាំ នៅរស់ភូមិ-ឃុំជាមួយអ្នកបើកបរ (ស្លាប់នៅកន្លែងកើតហេតុ) ។.jpg)
ប្រភពនៅកន្លែងកើតហេតុបានអោយដឹងថា មុនពេលកើតហេតុគេឃើញម៉ូតូសណ្តោងរ៉ឺម៉ក់បើកបរពីជើងទៅត្បូង លុះមកដល់កន្លែងកើតហេតុ បានបត់ឆ្វេងឆ្លងផ្លូវ ស្រាប់តែត្រូវរថយន្តដែលបើកក្នុងទឹសដៅបញ្ជ្រាសគ្នាពីត្បូងទៅជើង បុកពេញទំហឹងតែម្ដង ធ្វើឱ្យអ្នកបើកម៉ូតូរ៉ឺម៉ក់ទាំង២នាក់ស្លាប់ភ្លាមៗនៅនឹងកន្លែងកើតហេតុតែម្តង។
ក្រោយពេលកើតហេតុ សពជនរងគ្រោះទាំង២នាក់ ត្រូវបានជំនាញធ្វើកំណត់ហេតុ រួចប្រគល់អោយក្រុមគ្រួសាយកទៅធ្វើបុណ្យតាមប្រពៃណី។ ដោយឡែករថយន្ត និងម៉ូតូសណ្តោងរ៉ឺម៉កត្រូវបានមន្ត្រីជំនាញយកមករក្សាទុកនៅអធិការដ្ឋាននគរបាលស្រុកពញាក្រែកជាបណ្ដោះអាសន្ន៕.jpg)
