រាជធានីភ្នំពេញ៖ មនុស្សប្រុសស្រីចំនួន៩នាក់ដែលភាគច្រើនមានមុខរបរអ្នកយាមឃ្លាំងបញ្ជាំ បុគ្គលិករុញម៉ូតូ និងអ្នកបោសសម្អាតផ្ទះ ត្រូវបានចៅក្រមស៊ើបសួរ សាលាដំបូងរាជធានីភ្នំពេញ កាលពីល្ងាចថ្ងៃទី២៧ ខែកញ្ញា ឆ្នាំ២០២២ បានចេញដីកាសម្រេចឃុំខ្លួនអ្នករកស៊ីទទួលបញ្ចាំម៉ូតូនៅម្តុំឃ្លាំងរំសេវ ចំនួន៩នាក់ ដាក់ពន្ធនាគារ ជាបណ្ដោះអាសន្ន ក្រោមការចោទប្រកាន់ពីបទ (ទទួលផលចោរកម្ម) ក្នុងចំណោមជនជាប់សង្ស័យទាំង៩នាក់នោះ គឺមានស្ត្រីម្នាក់ កំពុងបែកបាក់ប្តីប្រពន្ធ ដោយបន្សល់ទុកកូន៣នាក់ឈឺ ដែលក្នុងនោះ ខ្លះដេកនៅផ្ទះ និងខ្លះទៀត កំពុងដេកនៅក្នុងមន្ទីរពេទ្យ ប៉ុន្តែដោយមានបទល្មើសតុលាការ ចាត់ការតាមនីតិវិធី។.jpg)
ជនត្រូវចោទ ទាំងចំនួន៩នាក់ ខាងលើនេះ រួមមាន៖ ១–ឈ្មោះ លី វ៉ានឆៃ ភេទប្រុស អាយុ ២៦ឆ្នាំ មុខរបរកម្មកររុញម៉ូតូនៅហាងបញ្ចាំ ពន្លឺខ្សាច់មាស។ ២–ឈ្មោះ ធន់ ធី ភេទប្រុស អាយុ ២៦ឆ្នាំ មុខរបរបុគ្គលិក។ ៣–ឈ្មោះ ស៊ុន ហាច ភេទប្រុសអាយុ ៥៨ឆ្នាំ មុខរបរទិញ–លក់ម៉ូតូ។ ៤–ឈ្មោះ ស៊ឹម សុខា ភេទប្រុស អាយុ ២២ឆ្នាំ មុខរបរបុគ្គលិក។ ៥–ឈ្មោះ ប៉េង ឡេង ភេទប្រុសអាយុ៤០ឆ្នាំ មុខរបរបុគ្គលិក។ ៦–ឈ្មោះ រឿង សុវណ្ណរ៉េត ភេទប្រុស អាយុ ២២ឆ្នាំ មុខរបរអ្នកយាមឃ្លាំង។ ៧–ឈ្មោះ ប៊ុន សុខលីមភេទស្រី អាយុ ៤២ឆ្នាំ អ្នកបោសសម្អាត និងមើលផ្ទះ។ ៨–ឈ្មោះ និត នឿន ភេទប្រុស អាយុ ៤១ឆ្នាំ មុខរបរបុគ្គលិក និង៩–ឈ្មោះ មួងសុណា ហៅ ស្រីមុំ ភេទស្រី អាយុ ៣៩ឆ្នាំ មុខរបរលក់ដូរ។
សូមបញ្ជាក់ថា នៅព្រឹកថ្ងៃទី២៨ ខែកញ្ញា ឆ្នាំ២០២២ ពេលភ្ជុំហើយភ្លាម អាជ្ញាធរបានចាប់ផ្តើម ចុះពិនិត្យតាមឃ្លាំងបញ្ចាំទៀត ដោយលោក ឃ្លាំង ហួត អភិបាលរងរាជធានីភ្នំពេញ អញ្ជើញចុះពិនិត្យឃ្លាំងមួយកន្លែង ដែលចាក់សោជាប់ពីខាងក្រៅ ស្ថិតនៅចំណុចផ្លូវលេខ៣២៤ ក្នុងខណ្ឌទួលគោក រាជធានីភ្នំពេញ ៕.jpg)
