រាជធានីភ្នំពេញ ៖ ជាទូទៅគេសង្កេតឃើញថា បងប្អូនប្រជាពលរដ្ឋ រស់នៅក្នុងរាជធានីភ្នំពេញ មួយចំនួន រាល់ពេលមានពិធីរៀបមង្គលការ ពិធីបុណ្យខួបកំណើត ពិធីឡើងផ្ទះ ។ល។ តែងតែធ្វើរោង នៅលើផ្លូវ ឬ ក៏ធ្វើ ឡើង ដោយបិទផ្លូវ ទាំងស្រុងតែម្តងក៏មាន ហាក់ដូចជាមិនបានគោរពទៅតាមការណែនាំរបស់អាជ្ញាធរមូលដ្ឋានឡើយ។
កន្លងមក សាលារាជធានីភ្នំពេញ ធ្លាប់បានចេញសេចក្តីជូនដំណឹង ដោយបានដាក់ឱសានវាទដល់ពលរដ្ឋ ដែលរស់នៅភ្នំពេញឲ្យបញ្ឈប់សង់រោងការ រោងបុណ្យ រោងកម្មវិធីផ្សេងៗ នៅលើផ្លូវសាធារណៈ ចាប់ ពីថ្ងៃទី១ ខែកក្កដា ឆ្នាំ២០១៩ មកម៉្លេះ។
ការ ចេញ សេច ក្តី ជូន ដំណឹង នេះ ធ្វើ ឲ្យ ប្រជា ពលរដ្ឋ ម្នាក់ៗ ចេះ តែ ចាំ មើល ថា តើ ចំណាត់ ការ របស់ សាលា រាជធានី ចំពោះករណី រំលោភ ចំណីថ្ន ល់ នេះ មា ន ប្រសិទ្ធភាព ប៉ុនណា?ហាក់ បី ដូ ច ជា មិន ត្រូវ បាន ពលរដ្ឋ ដែល ជាអ្នក មានៗ និង អ្នក ធំ គោរព ទៅនឹង គោលការណ៍ នេះ ឡើយ។ ជាក់ ស្តែង កាល ពី ថ្ងៃច ន្ទ ទី២៦ ខែកញ្ញា ឆ្នាំ២០២២ កន្លងមក នេះ នៅ ទួលស្វាយព្រៃទី១ ខណ្ឌបឹងកេងកង មាន រោងពិធីភ្ជាប់ពាក្យ ១ បាន សង់រោង បិទផ្លូវ លេខ៣៨៤កែងនឹងផ្លូវលេខ១៩៩និងកែងផ្លូវលេខ១៩៣ គឺ សង់ យ៉ាង វែង ប៉ះចំណីផ្លូវ អស់ ផ្លូវ ដើរ និង ម៉ូតូ ធ្វើដំណើរបានឡើយ តែគ្មាន សមត្ថ កិច្ច ណាម ករក រឿង ទេ តែ បើ មក យក លុយ ពីម្ចាស់ កម្មវិធី ទៅ វិញ អាច កើត មានហើយចំពោះកម្មវិធីគឺចាប់ផ្តើមនៅថ្ងៃទី២៩ដល់ថ្ងៃទី៣០ទើបចប់កម្មវិធី ចំពោះការ សង់រើងនេះ ទៅ បាន យ៉ាង ស្រួល ។
ពាក់ព័ន្ធនឹងការសាងសង់រោងបិទផ្លូវនេះលោកវរសេនីយ៏ត្រី ឈួន មុន្នីរិទ្ធ បានឲ្យដឹងតាមទូរស័ព្ទ នាព្រឹកថ្ងៃទី២៨ ខែកញ្ញា ឆ្នាំ២០២២ នេះថា ក្នុងនាមគាត់ជាអាជ្ញាធរមូលដ្ឋានគាត់មិនមានសិទ្ធទៅបញ្ជាមិនឲ្យគេសាងសង់រោងនោះទេ ហើយគាត់ប្រាប់ថានឹងចុះទៅមើលទីតាំងនោះ។
គួរបញ្ជាក់ផងដែរថា នាពេលកន្លងមកលោក ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ ចាត់មន្ត្រីចុះត្រួតពិនិត្យជាប្រចាំចំពោះការសង់រោងបុណ្យ រោងការបិទផ្លូវ និងការបិទផ្លូវ ដោយរថយន្តបាញ់បេតុង ដើម្បីជំរុញឱ្យពួកគាត់គោរពច្បាប់ និងការណែនាំពីរដ្ឋបាលរាជធានីភ្នំពេញ ជៀសវាងការថ្នាំងថ្នាក់ពីប្រជាពលរដ្ឋ។
លោក ឃួង ស្រេង ក៏បានរំលឹកផងដែរ ទៅលើការណែនាំចំពោះរថយន្តបាញ់បេតុងដែលចត ឈប់ធ្វើឱ្យប៉ះពាល់ដល់ចរាចរណ៍តាមដងផ្លូវ ដូចដែលរដ្ឋបាលរាជធានីភ្នំពេញធ្លាប់បានជូនដំណឹងរួចមកហើយ។ ជាមួយគ្នានេះ ក៏ត្រូវពិនិត្យផងដែរ ចំពោះការសង់រោងបុណ្យ រោងការ ដោយមិនត្រូវឱ្យបិទផ្លូវទាំងស្រុង ធ្វើឱ្យប៉ះពាល់ដល់ប្រជាពលរដ្ឋអ្នកធ្វើដំណើរ និងស្ទះចរាចរណ៍ដែលប្រជាពលរដ្ឋ តែងបង្ហាញការថ្នាំងថ្នាក់នាពេលកន្លងមក។ ម្ចាស់រោងបុណ្យ ឬរោងការគួររកទីតាំង សមស្របដែលមិនប៉ះពាល់ផ្លូវសាធារណៈដូចជាទីអារាម ឬតាមភោជនីដ្ឋាន ឬទីតាំងណាដែលសមរម្យ៕
