ចាំមើលលើកអភិបាលខណ្ឌដែលទើបឡើងថ្មីអាចបង្ក្រាបទីតាំងហ្គេមបាញ់ត្រីខាងលើនេះបានទេ?

រាជធានីភ្នំពេញ៖ បើតាមប្រជាពលរដ្ឋបានអោយដឹងថា ទីតាំងល្បែងស៊ីសងខុសច្បាប់មួយកន្លែង ប្រភេទ ហ្គេមបាញ់ត្រី ដែលមានទីតាំងនៅក្នុងភូមិចំការឪឡឹក សង្កាត់កាកាបទី១  ខណ្ឌពោធិ៍សែនជ័យ កំពុងបើកដំណើរការ យ៉ាងរលូន ។ប្រភពដដែលបានបន្តថា គាត់មានការ ភ័យខ្លាចជាខ្លាំងដោយ ក្នុង មូលដ្ឋានរបស់ពួកគាត់សំបូរទៅដោយល្បែងស៊ីសង ដែលជាឫសគល់  នៃបទល្មើស ចោរកម្ម លួច ឆក់ ប្លន់ អំពើហិង្សាក្នុងគ្រួសារជាដើម ជាហេតុនាំឱ្យ ប្រជាពលរដ្ឋ មាន ការព្រួយបារម្មណ៍ ភ័យខ្លាច  និងភាពអសន្តិសុខ  នៅក្នុងសង្គម ផងដែរ ។

ទាក់ទងទៅ និងល្បែងស៊ីសងខាងលើនេះ ប្រជាពលរដ្ឋសូមសំណូមពរលោក  សក់  ច័ន្ទកញ្ញារិទ្ធ  អភិបាលនៃគណៈអភិបាលខណ្ឌពោធិ៍សែនជ័យ  ដែលទើបនិងឡើងកាន់ដំណែងថ្មីនិងលោក  ម៉ន  វុធី  អធិការនគរបាលខណ្ឌពោធិ៍សែនជ័យ  មេត្តាចាត់ វិធានការបង្ក្រាបទីតាំង ល្បែង ស៊ីសង ខុសច្បាប់ប្រភេទហ្គេមបាញ់ត្រីនេះ ដើម្បីឱ្យស្របតាមគោលនយោបាយ ភូមិ ឃុំ សង្កាត់ មានសុវត្ថិភាព របស់រាជរដ្ឋាភិបាល ៕