រាជធានីភ្នំពេញ៖មានករណីឆេះរថយន្តមួយបានកើតឡើងបង្កអោយមានការភ្ញាក់ផ្អើលដល់អ្នកធ្វើដំណើរតាមដងផ្លូវ និងរថយន្តពន្លត់អគ្គីភ័យ ចេញអន្តរាគមន៍បាញ់ទឹកពន្លត់ភ្លាមៗ កាលពីវេលាម៉ោង ប្រហែល៣.៣០នាទីរសៀល ថ្ងៃទី ១៥ខែកញ្ញាឆ្នាំ២០២២ នៅតាមបណ្តោយផ្លូវ កម្ពុជាក្រោម ស្ថិតក្នុងសង្កាត់មិត្តភាព ខណ្ឌ៧មករា ។
បើតាមប្រភពព័ត៌មានបានអោយដឹងថា មុនពេលកើតហេតុ គេឃើញបុរសវ័យចំណាស់ម្នាក់បានបើករថយន្តម៉ាក CRV ពណ៌ទឹកប្រាក់មិនស្គាល់ស្លាកលេខ(ឆេះអស់) ធ្វើដំណើរតាមបណ្តោយផ្លូវកម្ពុជាក្រោម ក្នុងទឹសដៅពីលិចទៅកើតជាធម្មតា ។ លុះពេលធ្វើដំណើរដល់ចំណុចកើតហេតុមុខហាងលក់កំព្យូទ័រ អិល អ៊ឹម កុំព្យូទ័រ ស្រាប់តែរថយន្តខាងលើហុយផ្សែងចេញពីផ្នែកខាងមុខ ហើយភ្លាមៗនោះអ្នកបើកបរក៏បានបើកទ្វារចុះដើម្បីរកបំពុងពន្លត់អគ្គីភ័យបាញ់ តែអកុសល់ រថយន្តខាងលើក៏ឆាបឆេះចេញជាអណ្តាតភ្លើងយ៉ាងសន្ធោសន្ធៅ រហូតបងប្អូនប្រជាពលរដ្ឋនៅក្បែរនោះទាក់ទងហៅរថយន្តពន្លត់អគ្គីភ័យរបស់អធិការដ្ឋានខណ្ឌ៧មករាចំនួន២គ្រឿងមកបាញ់ពន្លត់ទើបរលត់ ។
ក្រោយពេលកើតហេតុ សមត្ថកិច្ចបានធ្វើការសាកសួរម្ចាស់រថយន្តខាងលើ ហ្នឹងបានប្រាប់អោយម្ចាស់រថយន្តចាត់ចែងស្ទួចគ្រោងឆ្អឺងរថយន្តចេញដោយខ្លួនឯង ៕
