រាជធានីភ្នំពេញ៖ កាលពីរសៀលម្សិលមិញនេះ ក្រុមអត្តពលិកកម្ពុជាបប្រឹងប្រែងដណ្ដើមយកមេដាយបានរហូតដល់ទៅ៧គ្រឿង ដោយក្នុងនោះមានមេដាយប្រាក់ ៣ គ្រឿង និងមេដាយ សំរឹទ្ធ ៤ គ្រឿង ដែលបានប្រព្រឹត្តិទៅចាប់ថ្ងៃទី១៩រហូតដល់ថ្ងៃទី២៣ ខែសីហា ឆ្នាំ ២០២២ នៅប្រទេសថៃ ។
សម្រាប់ការប្រកួតខាងលើនេះកម្ពុជាបានបញ្ជូលប្រធានប្រតិភូ១រូប អនុប្រធានប្រតិភូ១រូប នាយកបច្ចេកទេស១រូប ជំនួយការបច្ចេកទេស២រូប អាជ្ញាកណ្តាល៣រូប គ្រូបង្វឹក គ្រូជំនួយ ៦រូប កីឡាករ-កីឡារិនី៣៦នាក់ដើម្បីវាស់ស្ទង់ និងធ្វើតេស្តិ៍សមត្ថភាពបច្ចេកទេស កីឡាករ-កីឡាការិនីក្នុងដំណើរឈានឆ្ពោះទៅ ការប្រកួតកីឡាSEA GAMES 2023 លើកទី៣២ ឆ្នាំ២០២៣ ដែលកម្ពុជាទទួលរៀបចំជាម្ចាស់ផ្ទះ។
គួបញ្ជាក់ផងដែរថា៖ មេដាយចំនួន៧គ្រឿងដែលអត្តពលិកកម្ពុជាដណ្ដើមបាននោះមាន មេដាយប្រាក់លើវិញ្ញាសាឯកត្តជន បានទៅលើកីឡាករ ងួន សុខក្រៃលែង កីឡាករ ស្រៀងវិរៈ និងកីឡាការិនី ឆន ស្រីភា (ខ ភ ម) រីឯមេដាយសំរឹទ្ធលើវិញ្ញាសាឯកត្តជនបានទៅលើ កីឡាការិនី សំណាង ឧត្តរ៉ា កីឡាករ ជ្រុន វិរៈបុត្រ និងកីឡាករ ប៊ិន ម៉េងលី ។
ដោយឡែកមេដាយ សំរឹទ្ធ (ជាក្រុម)បានទៅលើ កីឡាការិនី ឆន ស្រីភា (ខ ភ ម) កីឡាការិនី វ៉ាន់ ចរិយា កីឡាការិនី លឹម សុខវិច្ឆិកា និងកីឡាការិនី ភួង សុផល ៕
.jpg)
