រាជធានីភ្នំពេញ៖ ទីតាំងល្បែងស៊ីសងខុសច្បាប់តាមប្រពន្ធ័អនឡាញមានដូចជា មាន់ជល់ និងឡូតូ ដែលមានទីតាំងនៅក្នុងផ្ទះវីង wing យីហោ ស្រីមុំ ស្ថិតនៅភូមិអណ្តូងទឹក ឃុំលំហាច ស្រុកអង្គស្នួល ខេត្តកណ្តាល កំពុងតែពង្វក់ក្រុមអ្នកញៀនល្បែង និងប្រមូលផ្ដុំគ្នាលេងល្បែងភ្នាល់ ស្រែកហ៊ោកញ្ជ្រៀវ ទ្រហឹងអឺងកងរំខានដល់អ្នកភូមិក្បែរខាង តែបែរជាគ្មានការបង្ក្រាបទប់ស្កាត់ពីសមត្ថកិច្ចមូលដ្ឋាន។
ប្រភពព័ត៌មានពីប្រជាពលរដ្ឋបានអោយដឹងថា ទីតាំងល្បែងស៊ីសងខុសច្បាប់ចំណុចនេះ បើកភ្នាល់តាំងពីព្រឹករហូតទល់យប់ម៉ោង៩ទៅ១០ ស្រែកហ៊ោកញ្ច្រៀវគ្មានគិតពីអ្នកជិតខាងណាទេ ហើយក៏មានអ្នកចាញ់អស់ម៉ូតូញឹកញាប់ផងដែរ ជាពិសេសមានអ្នកចាំគួកជេរទិញម៉ូតូឡៃឡុង និងទទួលបញ្ជាំ ដោយយកការថ្លៃកប់ពពក ដែលបញ្ហាទាំងអស់នេះគឺជាចំណុចចាប់ផ្តើមនៃអំពើហឹង្សា និងការឆក់ប្លន់ ដែលអាចបង្កអោយមានអសន្តិសុខដល់ភូមិឃុំ និងប្រទេសជាតិ ហេតុអ្វីបានជាអជ្ញាធរតំបន់ មិនអើរពើរយ៉ាងដូច្នេះ ។
ប្រជាពលរដ្ឋសុំសំណូមពរដល់លោកវរសេនីយ៍ឯក មាន សំណាង អធិការនគរបាលស្រុកអង្គស្នួល មេត្តាជួយចុះពិនិត្យមើលទីតាំងល្បែងខាងលើនេះផង ៕
