រាជធានីភ្នំពេញ៖ សង្វៀនជល់មាន់និងអាប៉ោងដុះស្លែរនៅចំកណ្តាលទីក្រុងភ្នំពេញដែលមានម្ចាស់ឈ្មោះ សាល ពិតជាមានអំណាចក្នុងការបើកល្បែងល្បែងស៊ីសងមែន ព្រោះសូម្បីតែអជ្ញាធរមូលដ្ឋានខណ្ឌទូលគោកក៏មិនហ៊ានចុះបង្ក្រាបទីតាំងរបស់ពូកគេ។ ដែលទីតាំងសង្វៀនជល់មាន់ខាងលើនេះស្ថិតនៅក្នុងដីឡូតិ៍មួយកន្លែង ចូលតាមច្រកទល់មុខផ្សារឃ្លាំងរុំសេវ(ចាស់) សង្កាត់ ទឹកល្អក់ ៣ខណ្ឌ័ទួលគោក ។.jpg)
បើតាមប្រជាពលរដ្ឋដែលរស់នៅក្បែរកន្លែងនោះបានអោយយើងដឹងថា កន្លងមកធ្លាប់មានសមត្ថកិច្ចចុះមកជាហូរហែរដែរ តែបិទបានតែមួយរយៈពេលខ្លីប៉ុណ្ណោះ គឺអាចបើកលេងវិញហើយ មិនដឹងថាលោកសាល ម្ចាស់ទីតាំងខាងលើនេះ មានវិធីសាស្ត្រអ្វីខ្លះក្នុងការអន្ទង់ចិត្តសមត្ថកិច្ច ក៏ដូចជាអាជ្ញាធរ អោយចិត្តទន់ ដើម្បីអោយខ្លួនអាចបើកលេងជាធម្មតាឡើងវិញ ។
ប្រជាពលរដ្ឋនិងមហាជនសំណូមពរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ស ថេត អគ្គស្នងការរង និងជាស្នងការរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។
ដើម្បី រក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋាននិងគោរពតាមគោលនយោបាយភូមិ/ឃុំ/រឺស្រុកមានសុវត្ថិភាពទាំង៧ ចំណុចឲ្យមានប្រសិទ្ធភាពខ្ពស់និងរួមចំណែកបញ្ជៀសករណីអំពើចោរកម្មផ្សេងៗដូចជា៖លួច-ឆក់-ប្លន់-គាស់ផ្ទះនិងជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះព្រោះថាល្បែងជាដើមចមនេះការបង្ករបង្កើតបទល្មើសក្នុងមូលដ្ឋាន៕
