រាជធានីភ្នំពេញ៖ កម្មវិធីចំនួន២ ដែលគណៈកម្មាធិការជាតិអូឡាំពិកកម្ពុជាបានរៀបចំនៅក្នុងទឹកដីខេត្តកែប គឺការបញ្ជា្របគុណតម្លៃ-ឧត្តមគតិអូឡាំពិក និងបានបន្តការផ្សព្វផ្សាយពីគោលដៅឆ្ពោះទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ជូនដល់សិស្សានុសិស្ស និង ជិះកង់អបអរទិវាអូឡាំពិកឆ្នាំ២០២២ បានបញ្ចប់ដោយជោគជ័យនិង រីករាយបំផុត។
កម្មវិធីជិះកង់នេះមិនសំដៅទៅលើការប្រជែងយកចំណាត់ថ្នាក់នោះទេតែជាការជិះបែបកំសាន្ដដោយសារទឹកដីខេត្តកែបជាម្ចាស់ផ្ទះនៃការប្រកួតកីឡាទ្រីយ៉ាត្លុងសម្រាប់ស៊ីហ្គេមឆ្នាំ២០២៣ ។ មានកីឡាករអាជីព កីឡាករទ្រីយ៉ាត្លុងជម្រើសជាតិដែលកំពុងតែហ្វឹកហាត់នៅខេត្តកែបរួមជាមួយមហាជនដែលជាអ្នកជិះកង់មិនអាជីពបានចូលរួមជិះសប្បាយទាំងអស់គ្នាដោយមិនគិតប្រភេទកង់អ្វីឡើយ ។ ព្រឹត្តិការណ៍នេះធ្វើឡើងដើម្បីសុខភាពជាពិសេសឲ្យសិស្សានុសិស្សដែលចូលរួមបានយល់ពីផលប្រយោជន៍នៃការលេងកីឡា និង ឲ្យពួកគេយល់ថាកីឡាបង្កើតនូវ សាមគ្គីភាព មិត្តភាព និង ភាពស្មោះត្រង់ជាមួយគ្នា ។
លោក ប៊ុយ សុភ័ណ្ឌ ជាទីប្រឹក្សាគណៈកម្មាធិការជាតិអូឡាំពិកកម្ពុជា កម្មវិធីរៀបចំ ការជិះកង់កម្សាន្ដ ដើម្បីអបអរសាទរទិវា Olympic Day និង បញ្ជ្រាបការផ្សព្វផ្សាយពី ស៊ីហ្គេម ឆ្នាំ២០២៣ នៅជុំវិញ ក្រុងកែប ដោយចេញដំណើរ ពីមុខ សាលាខេត្តកែប ទៅដល់សេះស និងត្រឡប់មកមុខ សាលាខេត្តកែប វិញ។
កម្មវិធីជិះកង់ នេះមិនផ្ដោតលើការប្រកួតប្រជែងនោះឡើយគឺគ្រាន់តែបញ្ជ្រាបពីគុណតម្លៃអូឡាំពិក និងដើម្បីឲ្យគេដឹងថាខេត្តកែបជាកន្លែងប្រកួតកីឡាស៊ីហ្គេមមួយដ៏សំខាន់។
ក្រៅពីផ្សព្វផ្សាយនូវកម្មវិធី ខាងលើ ក៏មានការលេងកម្សាន្ដនូវល្បែងនានា ដែលទាក់ទងជាមួយកីឡា និងសុខភាព ជាពិសេស ឲ្យសិស្សានុសិស្ស ដែលចូលរួម បានយល់ពីផលប្រយោជន៍ នៃការលេងកីឡា និងឲ្យពួកគេយល់ថា កីឡាបង្កើតនូវសាមគ្គីភាព មិត្តភាព និងភាពស្មោះត្រង់ ៕
