រាជធានីភ្នំពេញ ៖ មន្ត្រីនគរបាលចរាចរមួយរូប ដែលបើករថយន្តទាំងស្រវឹងជោគជ្រុលទៅបុករបងសាលាថែទាំវេជ្ជសាស្ត្រ ត្រូវបានសមត្ថកិច្ចនៃការិយាល័យចរាចរណ៍ផ្លូវគោក នាំយកមកធ្វើការផាកពិន័យតាមច្បាប់ ធ្វើកិច្ចសន្យាណែនាំអប់រំ ក៏ដូចជា ការដាក់វិន័យរបស់កងកម្លាំងនគរបាលជាតិផងដែរ ។ ដែលការដាក់ពិន័យ នេះបានធ្វើឡើងនៅរសៀលថ្ងៃទី ២៨ខែមេសា ឆ្នាំ២០២២ ។.jpg)
បន្ទាប់ពីទទួលបានព័ត៌មានករណីគ្រោះថ្នាក់ចរាចរណ៍នេះភ្លាមៗ សមត្ថកិច្ច នៃអធិការដ្ឋាននគរបាលខណ្ឌបឹងកេងកង ក៏ដូចជា កម្លាំងការិយាល័យនគរបាលចរាចរណ៍ផ្លូវគោក បានចុះធ្វើការវាស់វែង និងបាននាំខ្លួនអ្នកបើកបររថយន្តម៉ាក LAND CRUISER ពាក់ផ្លាកលេខ ៣៤៥៦MSK ពណ៌ស បើកបរក្នុងស្ថានភាពស្រវឹកទៅបុកនឹងរបងសាលាថែទាំវេជ្ជសាស្ត្រ មកអធិការដ្ឋាននគរបាលខណ្ឌបឹងកេងកង ដើម្បីធ្វើការសាកសួរ ។
ចំពោះករណីនេះគឺជារឿងបុគ្គល ហើយមន្ត្រីរូបនេះក៏ត្រូវបានសមត្ថកិច្ចនៃការិយាល័យចរាចរណ៍ផ្លូវគោក នាំយកមកធ្វើការផាកពិន័យតាមច្បាប់ ធ្វើកិច្ចសន្យាណែនាំអប់រំ ក៏ដូចជាការដាក់វិន័យរបស់កងកម្លាំងនគរបាលជាតិផងដែរ ។
គួររំលឹកផងដែរថា កាលពីយប់ថ្ងៃទី២៧ ខែមេសា ឆ្នាំ២០២២ វេលាម៉ោង២២ និង៤៥នាទី មានករណីមន្រ្តីនគរបាលពាក់សក្តិ៥ម្នាក់បើករថយន្តសេរីទំនើបក្នុងស្ថានភាពស្រវឹងទៅ បុក របងសាលាថែទាំវេជ្ជសាស្ត្រ ដែលមានទីតាំងនៅចំណុចកែងផ្លូវលេខ២៧១ លើផ្លូវ១៨៣ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ តែមិនបណ្តាលអោយមានគ្រោះថ្នាក់ដល់មនុស្សឡើយ ៕
.jpg)
