ឆ្ងល់ដែរមានមួក កញ្ចក់ ត្រឹមត្រូវបែជាលោកប៉ូលីសចរាចរណ៍ ឈ្មោះ សៀង ចាន់ឌី ចាប់ឃាត់សួររកកាតគ្រី???

រាជធានីភ្នំពេញ៖ បញ្ហាផាកបទល្មើសចរាចរណ៍នៅរង្វង់មូលចោមចៅ នៅថ្ងៃទី២៣ ខែមិនា ឆ្នាំ២០២២ ដោយគ្មានកំហុសអ្វីសោះប៉ូលីសចរាចរណ៍ឈ្មោះ សៀង ចាន់ឌី ហៅផាកតាមស្មាន រួចសួររកកាតគ្រីតែម្ដង ដែលធ្វើឲ្យជនរងគ្រោះហួសចិត្តយ៉ាងខ្លាំង។បើតាមជនរងគ្រោះ ឈ្មោះ ហួត ម៉ាប់ ផ្ដល់ព័ត៌មានមកថា លោក សៀង ចាន់ឌី បានប្រើអំណាចជាមេគោលដៅចរាចរណ៍នៅរង្វង់មូលស្ពានចោមចៅ ដោយឃាត់ម៉ូតូមួយគ្រឿង មានសម្ភារៈគ្រប់គ្រាន់ មានមួកកញ្វក់គ្រប់គ្រាន់ បែជាឃាត់សួររកកាតគ្រីទៅវិញ ផ្គើននឹងបទបញ្ជាឯកឧត្ដម នាយឧត្ដមសេនីយ៍សន្ដិបណ្ឌិត នេត សាវឿន ដែលមិនអនុញ្ញាតឲ្យចាប់ម៉ូតូមិនខុសចរាចរណ៍មកផាកពិន័យនោះទេ។

ជនរងគ្រោះបញ្ជាក់ថា លោក សៀង ចាន់ឌី ប៉ូលីសសក្ដិ៣រូបនេះបានគំរាមថា អញនឹងបញ្ជូនហែងទៅស្នងការនគរបាលរាជធានីភ្នំពេញទៀត ហែងចង់ឡើងដល់ណាក៏ឡើងទៅ អញគ្មានខ្លាចនោះទេ។ បុគ្គលនេះមិនត្រឹមតែផ្គើននឹងអនុសាសន៍ថ្នាក់ដឹកនាំទេ ថែមទាំងបំពានសិទ្ធប្រជាពលរដ្ឋទៀតផង។ក្រោយទទួលបានព័ត៌មាននេះភ្លាមៗ ក្រុមការងារអ្នកសារព័ត៌មានជាច្រើនអង្គភាព បានចុះដល់គោលដៅសម្ភាសជនរងគ្រោះ និងសមត្ថកិច្ច បែជាលោក សៀង ចាន់ឌី មិនបំភ្លឺទេ ហើយបញ្ជាឲ្យគោលដៅឈប់សម្រាកត្រឹមម៉ោង ០៤៖១៥នាទី រសៀលទៅវិញ។

ជនរងគ្រោះតាមរយៈអង្គភាពសារព័ត៌មាន បើសិនជាមានការបំភ្លឺចេតនាចោទប្រកាន់ពីបុគ្គលសមត្ថកិច្ចឈ្មោះ សៀង ចាន់ឌី នេះ ជនរងគ្រោះសូមធ្វើការបំភ្លឺជាសាធារណៈពីសំណាក់សារព័ត៌មានវិញ ដើម្បីតម្លាភាព និងយុត្ដិធម៌ ព្រោះកន្លងមកមានការបំភ្លឺហើយបែចោទជនរងគ្រោះ ជាជនបង្ករទៅវិញ។

សូមឯកឧត្ដម ឧត្ដមសេនីយ៍ឯក ស ថេត ស្នងការនគរបាលរាជធានីភ្នំពេញ និងនាយឧត្ដមសេនីយ៍ នេត សាវឿន មេត្ដាពិនិត្យករណីនេះផងទាន៕