រាជធានីភ្នំពេញ ៖ ក្រុមហ៊ុនអាកាសចរ Thai Vietjet Air ប្រកាសបើកជើងហោះហើរ ត្រង់ ភ្នំពេញ-បាងកក ឡើងវិញ ក្រោយពីមានការខកខានដោយសារការរាតត្បាតជំងឺកូវីដ១៩ ជាមួយជើងហោះហើរ ចំនួន៣ជើងក្នុងមួយសប្ដាហ៍ជាលើកដំបូង។ ក្រុមហ៊ុនអាកាសចរណ៍ Thai VietJet Air ត្រូវបានសម្ភោធបើកឱ្យដំណើការហើយ នាព្រឹកថ្ងៃពុធ ថ្ងៃទី១៦ ខែមិនា ឆ្នាំ២០២២នេះ ក្រោមអធិបតីភាព ឯកឧត្តមនាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និង លោក Wranate Laprabang អគ្គនាយកក្រុមហ៊ុនអាកាសចរ Thai Vietjet Air។
លោកបានបន្តថា ក្នុងការចាប់ផ្តើមការហោះហើរជាលើកដំបូងនេះក្រុមហ៊ុននឹងផ្តល់ការហោះហើរពីភ្នំពេញបាកកចំនួន៣ជើងក្នុង១សប្តាហ៍នៅរៀងរាល់ថ្ងៃច័ន្ធ ថ្ងៃពុធនិងថ្ងៃព្រហស្បតាមរយៈយន្តហោះលេខ VZ720 ដែលហោះហើរពី បាងកក ទៅ ភ្នំពេញ ចាប់ពីម៉ោង៨និង៣០នាទីទៅដល់ម៉ោង៩និង៤០នាទីនិងជើងហោះហើរលេខ VZ721ពីភ្នំពេញទៅបាងកកចាប់ពីម៉ោង១០និង៣០នាទីទៅដល់ម៉ោង១១និង៤៥នាទី។ ការបើកជើងហោះហើជាលើកដំបូងនេះនឹងដើរតួនាទីយ៉ាងសំខាន់ណាស់ក្នុងការតភ្ចាប់ស្ពានចម្លងប្រជាជនប្រទេសទាំពីរព្រមទាំងចូលរួមចំណែកការងើបឡើងវិញនៃភ្ញៀវទេសចរនិងចូលរួមអភិវឌ្ឍន៍សេដ្ឋកិច្ចប្រទេសកម្ពុជាផងដែរ។
ឯកឧត្តមចាត់ទុកវត្តមានរបស់ ក្រុមហ៊ុនអាកាសចរ Thai Vietjet Air នៅពេលនេះ នឹងចូលរួមចំណែកយ៉ាងសំខាន់ ផ្តល់នូវជម្រើសសំបូរបែបដល់អ្នកធ្វើដំណើរតាមផ្លូវអាកាសរវាងកម្ពុជានិង ថៃឡង់ដ៍ ដែលជាសរុបមានចំនួន៦ក្រុមហ៊ុនអាកាសចរ កំពុងហោះហើរ ហើយជាបន្ថែមលើសពីនេះទៅទៀត ដំណើរការហោះហើរនេះ នឹងចូលរួម ចំណែកដោយផ្ទាល់ផងដែរ ដល់ការបង្កើនទំនាក់ទងឲ្យកាន់តែជិតស្និទ្ធ ថែមទៀត លើសកម្មភាពដោះដូរពាណិជកម្ម វប្បធម៌និងប្រជាជន រវាងប្រទេសយើងទាំងពីរ។
